Мектепте мұғалімдермен «Қазақ тілі», «Қазақ тілі мен әдебиеті» пәндерінен 5-8, 10-сыныптарда өтетін аралық аттестаттаудың талаптары мен өткізу тәртібі»тақырыбында түсіндіру жұмыстары өткізілді.

2024 жылдың 16 сәуір күні мектепте мұғалімдермен «Қазақ тілі», «Қазақ тілі мен әдебиеті» пәндерінен 5-8, 10-сыныптарда өтетін аралық аттестаттаудың талаптары мен өткізу тәртібі»тақырыбында түсіндіру жұмыстары өткізілді. Мақсаты - білім алушылардың «Қазақ тілі», «Қазақ тілі мен әдебиеті» пәндері бойынша оқу бағдарламасының көлемін меңгеру деңгейін негізгі орта білім берудің мемлекеттік жалпыға міндетті білім беру стандарты талаптарына сәйкес бағалау. Міндеті:                                                                                                                                                                                               білім алушылардың білім берудің материалдарын игеру дайындығын бағалау,функционалдық сауаттылықтарының қалыптасу деңгейлерін бағалау.Емтиханды өткізу талаптары:
1. Емтихан қазақ тілінде өтеді; 
2. Емтиханды өткізу уақыты білім беру ұйымының педагогикалық кеңесімен айқындалады (27-31 мамыр аралығында 9,11-сынып оқушыларын қорытынды аттестаттау уақытынан басқа уақытта өткізу ұсынылады).
3. Педагогтердің емтихандағы кезекшілік кестесі білім беру ұйымының педагогикалық кеңесімен айқындалады;
4. Академиялық адалдық қағидаттарын сақтай отырып, емтихан материалдарын педагогтер құрастырады және білім беру ұйымының әкімшілігі бекітеді;
Емтихан тапсырмаларының мазмұны:
Қазақ сыныптары үшін «Қазақ тілі» оқу пәні бойынша:
- оқылым
 - жазылым
 - әдеби тіл нормаларын сақтау 
«Қазақ тілі» оқу пәні бойынша рубрика
. Емтихан өткізуді ұйымдастыру мәселелері
 
 «Қазақ тілі», «Қазақ тілі мен әдебиеті» пәндері бойынша білім алушының оқу үлгерімін бақылауға берілген мәтін саны, эссе тақырыптарының саны – 4.

р/с	Сыныбы	Сөз саны (Қазақ тілі)	Сөз саны (Қазақ тілі мен әдебиеті)
1	5	100-110	80-90
2	6	110-120	90-100
3	7	120-130	100-110
4	8	130-140	110-120
5	10 (ҚГБ, ЖМБ)	140-150	120-130

Эсседегі тапсырмалардың қиындығы: әр сыныптың жас ерекшелігіне сай беріледі
Білімді тексеру тапсырмасының формасы: (тыңдалым, айтылым) оқылым, жазылым дағдыларын қолданып эссе жазады
 Білімді тексеру тапсырмаларын орындау уақыты: орындау уақыты – 90 минутты құрайды (жалпы эссені жазу уақыты берілген тапсырмаларды, оқуға жұмсалатын уақытты ескере есептелген). 

Дағдылар	Тапсырмалар
Оқылым (1 балл)	1-тапсырма. Берілген мәтінді оқып, нақты ақпараттарды табады.  2-тапсырма. Мәтіндегі нақты ақпараттармен мәтінді мазмұндау жоспарын құрады
Жазылым (3 балл)	«Табиғатқа саяхат туған жерді танудан басталсын» тақырыбында кіріспе, негізгі, қорытынды бөлімдерін қамтып, лексика-грамматикалық нормаларды сақтай отырып, оқылым дағдысы бойынша саяхат туралы берілген мәтіндегі оқиғаны сипаттап немесе кейіпкерді суреттеп эссе жазады
Әдеби тіл нормалары  (1 балл)	зат есімдердің мағыналық түрлерін мәнмәтін аясында жалғаулар арқылы түрлендіріп қолданады. Эссе мәтінінен бір зат есімді алып, септік жалғаулары арқылы түрлендіріп көрсетеді

Бес балдықты 30-балдыққа ауыстыру шкаласы

р/с	Сөйлесім әрекеті	Балл қою нормативі, ең жоғары балл	5-балдық шкала бойынша ең жоғары жиынтық балы	30-балдық шкала бойынша ең жоғары жиынтық балы
1	Оқылым	1-тапсырма - 0,5 балл; 2-тапсырма - 0,5 балл	1	6
2	Жазылым	- құрылымын сақтауы – 0,5 балл; - мазмұны - 2 балл; - лексика-грамматикалық норманы сақтауы – 0,5 балл	3	18
3	Әдеби тіл нормалары	1 балл	1	6
			5	30